Guddoomiye Mursal Iyo Lafta-Gareen Oo Kulan Gaar Ah La Qaatay Guddi Ka Socda Odayaasha Dhaqanka KG (SAWIRRO)

0
87

Gudoomiyaha Golaha Shacabka ee Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan oo uu wehliyo Madaxweynaha Dowlad Goboleedka Koonfur Galbeed Soomaaliya ayaa kulan gaar ah la qaatey Guddi ka socda golaha Odayaasha dhaqanka ee koonfur Galbeed.

Kulan waxaa looga hadlay sidii loo wajihi lahaa howlaha dib u heshiisinta ee Maamulka cusub ee Dowlad Goboleedka Koonfur Galbeed uu ka bilaabay  Deegaanada maamulkan.

Odayaasha dhaqanka ayaa Gudoomiyaha Golaha shacabka iyo madaxweynaha Koonfur Galbeed u gudbiyay xaaladaha Guud ee deegaanada iyo sida ay muhiim u tahay dib u heshiisiin dhab ah ay deegaanada Maamulkan ka hirgasho.

Sidoo kale odayaasha dhaqanka waxay sheegeen in ay diyaar u yihiin sidii loo Xalin lahaa tabashooyinka ay qabaan Dadka deegaanadan iyo la shaqeynta Madaxweynaha cusub iyo maamulkiisa.

Dhinaca kale Madaxweynaha Dowlad Goboleedka Koonfur Galbeed ayaa odayaasha dhaqanka uga mahad celiyay sida ay uga go’antahay horumarka iyo Maamul wanaaga deegaanadan, Isagoo balan qaaaday in mamulkiisa uu diyaar u yahay in uu la fariisto cid walba oo tabasho Qabta si loo xaliyo deganaanshaha Deegaankana looga wada shaqeeyo.

Ugu dambeyn Gudoomiyaha shacabka ayaa u mahad celiyay odayaasha dhaqanka iyo guud ahaan bulshada deegaanadan, wuxuuna kula dardaarmay in wax walba laga Horumariyo danta dadka deegaanka  ayna la shaqeeyaan maamulka cusub ee dowlad goboleedka koonfur Galbeed si dadka dowlad  Goboleedkan ay u helaan nabad gelyo waarta iyo maamul wanaagsan.

LEAVE A REPLY

Please enter your comment!
Please enter your name here