Lafta Gareen Oo Kulamo La Yeeshay Saraakiisha Amniga

0
68

Madaxweynaha cusub ee Maamulka Koofur Galbeed Soomaaliya C/casiis Xasan Maxamed (Lafta Gareen), ayaa xalay kulamo la qaatay saraakiisha Amaanka ee Maamulka Koofur Galbeed.

Laftagareen ayaa Ciidamada amaanka saraakiishooda kala hadlay sidii loo sugi lahaa amniga Magaalada Baydhaba loona hagaajin lahaa xiriirka dadweynaha iyo Ciidamada amaanka.

Waxaa kale oo ay isla soo qaadeen in maanta Magaalada Baydhabo ay ka dhacdo munaasibadda xuska sanadguurada 75aad ee aas aaska Booliska Soomaaliyeed oo sanadkiiba mar maanta oo kale la xuso.

Inkasta oo kulamada dhexmaray Lafta Gareen iyo hoggaanka Ciidamada amaanka aan war rasmi ah laga soo saarin haddana,saraakiil ka mid ah kuwa amaanka Koofur Galbeed ayaa u xaqiijiyay Idaacadda Mustaqbal in Madaxweynaha cusub iyo Saraakiisha amaanka ay isku afgarteen qaabka loo wajahayo xasilinta Baydhaba.

Lafta Gareen ayaa shalay loo doortay Madaxweynaha Koofur Galbeed Soomaaliya,waxaana lagu dhaariyay isla goobtii lagu doortay inkasta oo aan wali la caleemasaarin.

LEAVE A REPLY

Please enter your comment!
Please enter your name here