Doorashada Madaxweynaha Koonfur Galbeed Soomaaliyeed Oo Goordhaw Bilaabatay

0
65

Waxaa goordhaw hool kuyaala Madaxtooyada magaalada Baydhabo ka bilaabatay doorashada Madaxweynaha Maamulka Koonfur Galbeed Soomaaliya , waxaana doorashada ku tartamaya ilaa shan musharax.

Hoolka doorashada ka dhaceyso waxaa ku sugan wafdi Wasiiro ah oo katiran Dowlada Federaalka Soomaaliya , waxaana la sheegay in hoolka doorashada ka dhaceyso in aysan wali soo gaarin wakiilada beesha Caalamka.

Xildhibaanada Baarlamaanka Maamulka Koonfur Galbeed ayaa maanta dooranaya Madaxweynaha uu yeelanayo maamulkaasi , waxaana inta badan la saadaalinayaa in doorashada ku guuleesan doono Musharax Lafta Gareen oo taageero weyn heesta.

Guddiga doorashada Madaxweynaha maamulka Koonfur Galbeed ayaa sheegay in Xildhibaanada dooranaya ay yihiin 147-Xildhibaan, waxaana wareega koobaad ee doorashada ku guuleesanaya musharaxii hela sadex meelood labo meel codadka Xildhibaanada .

Doorashada goordhaw ka bilaabatay waxaa ku tartamaya shan Muharax oo kala ah Aadan Maxamed Nuur Saransoor, Xuseen Cismaan Xuseen, Ibraahim Macalin Nuunow,Seyid Axmed Sheeikh Daahir iyo Cabdicaziiz Xasan Maxamed Laftagareen.

 

 

LEAVE A REPLY

Please enter your comment!
Please enter your name here