NISA Oo Sheegtay Iney Gacanta Kusoo Dhigtay Xubno Al-Shabaab Ah iyo Qalab Milatari

0
79

Taliska ciidamada Nabadsugidda iyo Sirdoonka Qaranka ayaa sheegay in howlgallo ay 1-dii bishaan ka fuliyeen xarun al-shabaab ay ku leeyihiin deegaanka Caanoole ee gobolka Shabeellaha-hoose lagu soo qabtay xubno ka tirsan al-Shabaab, walxaha qarxa iyo saanad malatari.

“Howlgal qorsheysan oo ciidanka amnigu xalay ka fuliyay Xafiiska Xisbada a-al-Shabab ee Sabiid Caanoole, ayaa lagu soo qabtay labo xubnood oo al-Shabaab ah, walxaha qarxa iyo saanad” ayaa lagu yiri qoraal lasoo dhigay barta Twitterka ee NISA.

NISA maa aaney shaacin magacyada iyo darajada xubnaha al-Shabaab ee ay howlgalka ku soo qabteen.

Taliska NISA ayaa tilmaamay in ciidamada ammaanka ay markasta u taaganyihiin ka hortaga al-shabab iyo badbaadinta shacabka.

Ciidamada Nabadsugidda iyo Sirdoonka Qaranka ayaa howlgallo lagu soo qabtay xubno ka tirsanaa al-Shabaab iyo Daacish fuliyay xilliyo kala duwan, hayeeshee intabadan warbaahinta uma soo bandhigaan xubnaha ay soo qabtaan.

LEAVE A REPLY

Please enter your comment!
Please enter your name here